Í átt að sjálfbærni

Skýr áhersla á sjálfbærni í stefnumótun Bláa Lónsins skiptir miklu máli.  Hún stuðlar að aukinni skilvirkni, bætir skipulag og markmiðasetningu og þannig árangur fyrirtækisins, hvort sem horft er til fjárhagslegra, samfélagslegra eða umhverfislegra þátta. Með stöðugri framþróun stefnir fyrirtækið í átt að sjálfbærri framtíð fyrir alla.

Heimsmarkmið Sameinuðu þjóðanna um sjálfbæra þróun voru samþykkt af fulltrúum allra aðildarríkja Sameinuðu þjóðanna í september árið 2015. Heimsmarkmiðin eru margþætt og metnaðarfull og krefjast þátttöku og samstarfs ólíkra hagsmunaaðila. Bláa Lónið leggur sitt af mörkum til að styðja við heimsmarkmiðin.

Framlag starfsfólks Bláa Lónsins er mikilvægt við mótun og þróun á sjálfbærnivegferð fyrirtæksins.  Álit þeirra lagði grunninn við val á þeim heimsmarkmiðum sem Bláa Lónið telur rétt og best að leggja sérstaka áherslu á á sinni vegferð. Þó öll markmiðin séu vissulega mikilvæg á heimsvísu voru eftirfarandi fimm markmið formlega sett á oddinn innan fyrirtækisns á árinu og verður sérstaklega horft til þeirra næstu tíu árin.

Vegferð Bláa Lónsins í átt að sjálfbærni er bæði gömul saga og ný, þar sem Bláa Lónið var stofnað á sínum tíma í kringum hugmyndina um hvernig væri hægt að nýta hrakstrauma jarðsjávarins til verðmætasköpunar og vellíðunar á sjálfbæran hátt. Allt frá stofnun hefur það verið mikilvægt leiðarljós fyrirtækisins að stuðla að vellíðan fyrir umhverfið sem og fyrir þá gesti sem kjósa að sækja Bláa Lónið heim. Þessari vegferð er hvergi nærri lokið og í sífellu er reynt að finna nýjar leiðir í átt að auknu jafnvægi milli efnahagslegra, félagslegra og umhverfislegra þátta en á sama tíma að mæta þörfum hagaðila félagsins með samvinnu og samstöðu.

Frá árinu 2019 hefur þverfagleg nefnd starfað innan veggja fyrirtækisins sem heldur utan um málaflokkinn Samfélagsábyrgð. Markmið nefndarinnar er að innleiða samfélagsábyrgð í öllum einingum fyrirtækisins sem og að bæta frammistöðu fyrirtækisins í samfélags- og umhverfismálum. Stefna, verkefni og markmið eru skilgreind árlega og nefndin fundar vikulega þar sem lokatakmarkið er ávallt að koma Bláa Lóninu sífellt nær sjálfbærni.

Frá árinu 2018 hefur Bláa Lónið horft til grundvallarviðmiða UN Global Compact við gerð stefnumótunar, markmiðasetningar og umbóta á verklagi sér í lagi hvað varðar samfélagslega ábyrgð.  Fyrirtæki almennt gegna mikilvægu hlutverki hvað varðar að tryggja almenn mannréttindi, vinnumarkað, verndun umhverfis og að sporna við spillingu og þar er Bláa Lónið engin undantekning.

Bláa Lónið vinnur samkvæmt þessum grundvallarviðmiðum eins og sjá má í stefnum félagsins hér að neðan:

Viðmið 1: Fyrirtæki styðja og virða vernd alþjóðlegra mannréttinda.

Viðmið 2: Fyrirtæki fullvissa sig um að þau gerist ekki meðsek um mannréttindabrot.

Stefna Bláa Lónsins

Viðmið 3: Fyrirtæki styðja við félagafrelsi og viðurkenna í raun rétt til kjarasamninga.

Viðmið 4: Fyrirtæki tryggja afnám allrar nauðungar- og þrælkunarvinnu.

Viðmið 5: Virkt afnám allrar barnavinnu er tryggt.

Viðmið 6: Fyrirtæki styðja afnám misréttis til vinnu og starfsvals.

Mannauðsstefna

Viðmið 7: Fyrirtæki styðja beitingu varúðarreglu í umhverfismálum.

Viðmið 8: Fyrirtæki hafi frumkvæði að því að hvetja til aukinnar ábyrgðar gagnvart umhverfinu.

Viðmið 9: Fyrirtæki hvetji til þróunar og nýtingar á umhverfisvænni tækni.

Umhverfisstefna

Viðmið 10: Fyrirtæki vinni gegn hvers kyns spillingu, þar með talið kúgun og mútum.

Samfélagsstefna