Skattspor Bláa Lónsins á árinu 2021 nam rúmlega 1,8 milljörðum króna. Skattsporið felur í sér alla greidda skatta og gjöld til ríkis og sveitarfélaga að frádregnum stuðningi ríkisins vegna COVID-19.

Stuðningur ríkisins við félagið vegna COVID-19 skilaði sér því nífalt til baka til ríkissjóðs á síðasta ári. Á sama tíma varði félagið 396 störf að meðaltali, þrátt fyrir að hafa verið að mestu lokað á fyrri hluta árs.

Fjármálasvið

“Stærsti hluti innkaupa félagsins fer í gegnum sviðið og tekur innkaupastefnan í auknum mæli mið af umhverfis- og sjálfbærnisjónarmiðum bæði við val á birgjum og við skipulag flutninga. Aukin áhersla hefur verið lögð á að finna leiðir til að einfalda verkferla og auka sjálfvirkni.

Bláa Lónið hefur  skilað miklum skatttekjum til samfélagsins sem styður við fjárhagslega velsæld almennings. Góð afkoma er einnig grunnforsenda þess að félagið geti látið gott af sér leiða í umhverfi sínu, stutt við samfélagsleg verkefni á þessu sviði og þannig félagslega velsæld.”